好多人話人一世物一世，結婚後一定要去渡蜜月。我同意佬每次被朋友問到我哋到月底會去邊渡蜜月時，都我眼望佢眼，然後戚戚膊頭笑住答「我倆一直都好甜蜜，加上如果要出國密月對我哋嚟講好奢侈，唔洗啦」。
講緊嘅唔係錢，而係錢買唔到的東西......
結完婚嗰個星期，我同意佬除咗坐過吓呢架兩座位嘅小型飛機，仲要兩條友share飛機師一個鐘，喺意大利山區一睹呢片綠油油草原外，就邊度都冇去過。搬咗出嚟住，每日最緊要嘅行程反而係返99度食飯！
一來我嘅絕世好99我見極都唔會厭，二來傳統意媽媽嘅廚藝，佢煮嘅嘢食好似毒品咁我跟本無法抗拒！
說穿了，其實我同意佬呢幾年嚟越飛越遠、越走越耐先返屋企，漸漸地同屋企人相處嘅時間就變得越來越奢侈。如果一年只可以相見一個月或更少，每次嘅見面就係一個倒數。
兩位媽們都湊到我哋依家有毛有翼識飛喇，飛到聚少離多有幾可喺屋企食飯？原本我哋喺香港滾水淥腳咁走要飛返阿根廷，難得突然有多一個星期喺意大利，我都要俾人哋阿媽親親個仔先得嘅。見到意媽望住個仔食飯已冧都飽嘅甜蜜樣，就覺得我哋留喺至親身邊嘅密月格外有意義。
密月，不在乎喺邊到渡過，旨在於如何渡過。
坐完飛機仔，揸車返奶奶屋企食飯途中，意佬問我開心嘛？「開心。」佢再話：
「兩個人在一起，只要甜蜜幸福，年年月月都是在渡密月。」
「僅限一次嘅渡密月太短了，我會用一生嚟作單位，令你以後都好似過住 honeymoon 咁幸福快樂。」
冧到冇翼都飛返上天！
#意大利媽媽廚藝
#幾時傳秘密食譜過我
#OurHoneymoon
Search